ငွေရှာရာမှာ သမာအာဇီဝဖြစ်ဖို့ လိုပါတယ်။ သမာအာဇီဝဆိုတာ သူတပါးအသက်ကို မသတ်၊ မထိခိုက်မနာ မ ကျင်စေဘဲ သူတပါးဥစ္စာ မခိုးမယူ၊ မဖျက် မဆီး၊ မုသားမဆို၊ မဟုတ်မမှန်တာ မလုပ်မကိုင်ဘဲ ကိုယ့်ကိုယ်ကိုယ် ရှာဖွေကျွေးမွေးတာကို ဆိုလိုတာပါ။ တချို့ကျတော့ငွေကိုပဲတပ်မက်တာဆိုတော့ဘယ်နည်းနဲ့ရရငွေကိုရအောင်ပဲရှာတယ်။နှစ်လုံးထီစွဲနေတဲ့သူထိုးနေကြတဲ့သူတွေဟာအလွန်လောဘကြီးတဲ့လောင်းကစားသမားဖြစ်တယ်ဘာလို့လဲဆိုတော့သူဟာငွေတစ်ကျပ်ရင်းပြီးအဆ(၈၀)လောက်လိုချင်နေလို့ပဲဖြစ်တယ်။ဒါဟာမတော်လောဘပဲဖြစ်တယ်။နေ့ပြန်တိုးပေးတဲ့သူတွေတောင်မှအမြင့်ဆုံး၁၀ရက်အတွင်းမှ၃၀%ပဲ အတိုးယူလေ့ရှိတယ်။ သုံးလုံးထိုးတဲ့သူက အဆ ၅၀၀ လိုချင်တာဆိုတော့ ပိုဆိုးသွားပြီ။ ဒိုင်ကတော့အဆိုးဆုံးပေါ့။
နောက်တနည်းပြောကြရအောင်။နှစ်လုံးသမားတွေဟာတန်ဖိုးရှိတဲ့အချိန်တွေဖြုန်းနေတဲ့သူတွေဖြစ်တယ်။သူကတစ်နေ့ကိုသုံးချိန်ထွက်တယ်။လိုင်းနှစ်လိုင်းရှိတော့တစ်နေ့ကိုခြောက်ကြိမ်ထွက်တယ်ဆိုပါတော့။ချိုင်းအမျိုးအစားပေါင်းနှစ်ရာကျော်ထွက်တယ်ဆိုပဲ။ဘာနံပါတ်ထိုးရင်ကောင်းမလဲစဉ်းစားတဲ့အချိန်၊ဘိုးတော၊်မယ်တော်ချဲဘုန်းကြီးဆီသွားရတဲ့အချိန်၊အိပ်မက်တွေကိုအတိတ်ကောက်ရတဲ့အချိန်ချိုင်းအမျိုးမျိူးကြည်ရတဲ့အချိန်စသည်ဖြင့်သူပေးရတဲ့အချိန်ကအများကြီးပဲ။ဒါ့အပြင်ထွက်ခါနီးရင်ဒါမျိုးတွေဖွင့်ပြတတ်တဲ့နေရာမှာသွားပြီးတမော့မော့လုပ်နေရတဲ့အချိန် ၀ါသနာတူချင်း နှီးနှောရတဲ့အချိန် ပြောရရင်ကုန်နိုင်ဖွယ်စရာ မရှိဘူး။
နောက်တစ်ခု….နှစ်လုံးသမားတွေဟာစီးပွားဖြုန်းသူတွေဖြစ်တယ်။ စီးပွားဖြစ်စေမဲ့အလုပ်တွေကိုလုပ်ဖို့အချိန်လျော့စေတယ်။စားဖို့သောက်ဖို့ဝင်ငွေတိုးတက်ကောင်းမွန်စေဖို့အသက်မွေးဝမ်းကြောင်းနေရတဲ့အလုပ်တွေကိုနှစ်လုံးထိုးဖို့လောက်စိတ်မ၀င်စားတော့တဲ့အတွက်တချို့ဆိုင်တွေဆိုဖောက်သည်တွေဆုံးရှူံးတယ်။အလုပ်ထဲမှာလည်းအမှားအယွင်းတွေများလာတယ်။မိသားစုအရေး၊စီးပွားရေးတွေမှာအများကြီးလစ်ဟင်းလာတယ်။ပြီးတော့ရှူံးတာများလာရင်ပြန်ရမလားဆိုပြီးအတိုးကြီးကြီးနဲ့ ငွေချေး၊ ထပ်ရှူုံ့းရင် အိမ်ပေါင် ဘာပေါင် ရှိတဲ့ပစ္စည်း တွေပေါင်၊ လုပ်ငန်းအတွက်ထား တဲ့ငွေ၊ မိမိရုံးက ယုံကြည်အပ်နှံငွေ စသည်ဖြင့် ဆုံးရှုံးလို့ဘ၀ပျက်အခြေအနေမဲ့ဖြစ်ကုန်ကြတာမနဲဘူး။ဒါတောင်မှမမှတ်နိုင်ကြသေးဘူး။ဒီနေ့ဘာကောင်းတယ်ဟေ့၊တစ်လုံးပိုင်၊အပြီးပေါက်လို့ကြားပြီဆိုတာနဲ့ခေါင်းပြန်ထောင်လာတတ်ကြတယ်။နှစ်လုံးထီဟာဒီနေ့မြန်မာ့ရွှေ့ပြောင်းအလုပ်သမားများဘ၀ကိုအရမ်းဆိုးကျိုးတွေပေးနေတယ်။နှစ်လုံးကြောင့်တိုက်ရိုက်ဖြစ်စေသွယ်ဝိုက်၍ဖြစ်စေဘ၀ပျက်ရသူပေါင်းဒုက္ခရောက်နေကြသူပေါင်း မနဲဘူး။ စာဖတ်သူသင်လည်း သင့်ပတ်ဝန်းကျင်မှာမြင်ကောင်းမြင်မိမှာပါ။ ချဲထီ (သုံးလုံး)ထက်နေ့စဉ်လုပ်ဖြစ်နေတဲ့ကိစ္စကျွန်တော်တို့ဘ၀တွေကိုနိစ္စဓူဝဒုက္ခပေးနေတဲ့အရာဆိုတော့ဆွေးနွေးကြည့်ကြရအောင်။နှစ်လုံးသမားအများစုဟာတစ်ကိုယ်ကောင်းဆန်တဲ့သူတွေဖြစ်တယ်။ဒီကိစ္စဟာလောင်းကစားမှုဖြစ်တဲ့အတွက်လူ့စိတ်ကိုသိပ်ပြီးဆွဲဆောင်နိုင်တယ်။ဒါကိုလုပ်ရဖို့ဆိုရင် အများစုဟာမိသားစုကိုလည်းထည့်မတွက်တော့ဘူး။ငွေကြေးနဲ့ပတ်သတ်လို့ လူအယုံအကြည်မဲ့မှာလည်းမကြောက်ကြတော့ဘူး။နှစ်လုံးသမားအများစု(ထိုးသားရောရောင်းသူပါ ) ဘိုးတော် မယ်တော၊် ချဲဘုန်ကြီး၊ နတ်ကတော် ဟိုပူး ဒီခွာ တွေဆီ ရောက်ကြတယ်။ ဂဏန်းတောင်းတယ်။နိမိတ်ပြစကားတွေကြားနာကြတယ်။ဒိုင်ကြီးတွေကလည်းသူ့ဆီကများများမပေါက်အောင်အစီအမံတောင်းပွဲထိုးဘာထိုး လုပ်ကြတယ်။ သူများမျက်ရည်ပေါက်တွေ သောကအပူတွေကိုlancruiserလုပ်ပြီးစီးနိုင်ကြဖို့လေ။ထွက်လာတဲ့အချိန်မှာမပေါက်ရင်လည်းတော်တော်စိတ်ညစ်ရပြီးစိတ်ဓါတ်ကျ၊ဟိုရမ်းဒီရမ်းဖြစ်ကုန်ကြရော။ပေါက်ပြန်ရင်လည်းအရင်ကထိုးထားတဲ့အကြွေးတွေပြန်ဆပ်ကြရ၊ဒိုင်ကခုနှိမ်လိုက်နဲ့လက်ထဲမှာမကျန်ပါဘူး။ပေါက်တဲ့ငွေကရောဘယ်ကလာတာလဲ၊တစ်ကယ်သန့်ရှင်းစင်ကြယ်ရဲ့လား၊တန်ဖိုးရှိရဲ့လား။သူများစိတ်ဆင်းရဲ ကိုယ်ဆင်းရဲ မှ ရလာတဲ့ငွေတွေမဟုတ်ပါလား။
စီးပွားတွေဘ၀တွေပျက်ကုန်ကြပြီ။ ကျွန်တော်တို့ ဒီအတိုင်း ထိုင်ကြည့်နေ ကြတော့မှာလား… ……..စဉ်းစားကြပါအုန်း………..ဘာလုပ်ကြရင်ကောင်းမလဲ။နှစ်လုံးထီဆန့်ကျင်ရေးအသင်းကြီးဆိုပြီး ဖွဲ့မလား။ နှစ်လုံးကင်းရှင်းရေးရက်သတ္တပတ်ဆိုတာမျိူး၊နှစ်လုံးထီပပျောက်ရေးလှူပ်ရှားမှူ ဆိုတာမျိူး လုပ်ကြမလား။ ဘာပဲလုပ်လုပ် ဗျာ၊ အဲဒီလို အသင်းတွေပေါ်လာရင်တော့ ကျွန်တော့ကို အသင်းဝင် နံပါတ် တစ် လို့သာ ထည့်လိုက်ပါတော့။ ပါချင်လွန်းလို့…………
အင်တာနက်စာမျက်နှာများမှ……..
No comments:
Post a Comment