ခွန်အားသစ်များ မွေးဖွားခြင်း

ဖိလွန်းရင် .. ကြွတက်
မရှိလွန်းရင်...ငတ်မကွဲ့
မြိုင်မာလာတောခွင်က မစ ...
လှိုင်သာယာလုပ်သားများကစတဲ့
စီးပွားမှု တော်လှန်ရေး
သွေးချောင်းတွေ မစီးသေးခင်မှာ
အားလုံးက လျှစ်လျှူရှု့မထား
ဘေးကနေ..ဝိုင်းဝန်းကူကြစို့လား
အခါတော်မှီအရေး တိုက်ပွဲ ခေါ်သံတွေပေးလိုက်မယ်
သောင်းထိုက်က ကြားစေသား ...။

မနက် ရှစ်နာရီက စတဲ့ လုပ်ငန်းခွင်
ည...ဆယ့်တနာရီမှာ နားရ
အပြေးအလွှားနဲ့ ဘဝတွေ
ဘယ်အချိန်မှာနားရ ဘယ်အချိန်မှာသွားရ
ဝမ်းမဝ .. ပမ်းလှပေမယ့်
ရွာမိဘကို ငွေပို့ဘို့အရေး
မဖြစ်စလောက် လစာလေးကို
နွေးထွေးစွာရင်ဝယ်ပိုက်
ရောင့်ရဲတင်းတိမ်မှုလေးတွေနဲ့
အကြည်ရယ်...စိုက်နေပေမယ့်လည်း...

တိုးမြှင့်လာသည့် ဝန်ထမ်းလစာ
လှိုင်သာယာ ရွှေပြည်သာအလုပ်သမားများနှင့်
လားလားမျှ မသက်ဆိုင်ပါ
ကြီးထွားလာတဲ့ ကုန်ဈေးနှုန်းကအကြွားပို
သူတို့ရဲ့..တင်းတိမ်မှုလေးတွေကိုဝါးမြို
ရင်ခေါင်းထဲက ...တောက်ခေါက်သံမိုးတွေပြိုလာတဲ့အခါ
အဆောင်ထောင့်က....ငိုရှိုက်သံတွေက
ရင်တွင်းခံစားချက်များ..ဖေါ်ထုတ်
အပြင်းထန်ဆုံး ...စိတ်အနုမြူဗုံး
ဝုန်းကနဲပေါက်ကွဲ
သူတို့ ထောင်ထဲဝင်ရမှာလဲမကြောက်တော့ဘူးလေ...

မလောက်တော့ဘူးဆိုတဲ့ သူတို့လစာ
သူတို့ တောင်းဆိုတာ
အလုပ်ရှင်ကို..ဆန့်ကျင်တာလား
ပုန်ကန်တာလား စုန်ကန်တာလား
ဒါမှမဟုတ်..
မတရားတောင်းတာလား အလကားတောင်းတာလား
သို့ပေမယ့်ငြား
လားပေါင်းများစွာ ဥပေကာပြု
လုံထိမ်းအစုစုနဲ့ အပြင်ကဝိုင်း
တောင်းဆိုသူတွေသာ အရိုင်းလို့မှတ်
ဒါ အလုပ်ရှင်ရဲ့ လုပ်ရပ်
တကယ်တမ်းစုတ်ပြတ်တာက အလုပ်သမား
ကဲ အတိုင်းတိုင်းအပြည်ပြည်
ကြားလို့မှ..ကောင်းကြသေးရဲ့လား..

ရိုင်းလိုက်တဲ့..ရာဇဝင်
လှိုင်မြစ်ကမ်းမှာ သောင်တင်မှာလား
တချိန်တုန်းက ရေနံမြေသပိတ်
လှိုင်သာယာ..ရွှေပြည်သာ
အလုပ်သမားတွေရဲ့ ဝိဥာဉ်တွေမှာ
တိတ်တစိတ်ပူးကပ်နေတယ်...
ရူးမတတ်အောင် ဖြေရှင်းမရတဲ့ဝမ်းရေး
တရားမျှတစွာ...ဖြေရှင်းနိုင်ဘို့
ကျန်တဲ့ လယ်သမားထု ကျောင်းသားအစုစုတို့ရေ
လက်တွဲကာ တိုက်ပွဲဝင်
အမိုက်အမဲသခင်တွေကို တွန်းလှန်ဘို့မနှေး
စည်းလုံးညီညာစွာနဲ့
အောင်မြင်စွာ လှမ်းနိုင်ဘို့အရေး
လူတိုင်းရဲ့ ရင်ထဲမှာ
ခုချိန်ကစပြီး .. ကဲ
ခွန်အားသစ်တွေ မွေးကြပါစို့လေး ...။

ကိုမဲကြီး