အခုတင်ပြပေးမှာကတော့ တောင်ယာအလုပ်သမားတစ်ယောက်ရဲ့ဖြစ်ရပ်(သို့)တောင်ယာ
အလုပ်သမားတစ်ယောက်ရဲ့နောက်ဆုံးခရီးအကြောင်းကိုတင်ပြပေးလိုက်ပါတယ်။
သူ့အမည်ကတော့(…..……)ပါ။သူ့မှာဇနီးတစ်ယောက်ရှိပြီးသားသမီးနှစ်ယောက်ရှိပါတယ်။
သားသမီးနှစ်ယောက်စလုံးက တော့မြန်မာပြည်မှာကျန်ခဲ့ပြီးကို…. တို့ဇနီးမောင်နှံကတော့
ထိုင်းနိုင်ငံ မဲဆောက်မြို့ကိုတက်လာပြီး ဖာဒန်းကျေးရွာ အနီးရှိတောင်ယာတဲ မှာ နေ့စားအ
လုပ်သမားအဖြစ်နဲ့တောင်ယာ လုပ်ငန်းကို ဝင်ရောက်လုပ်ကိုင်ရင်း မပြေလည်တဲ့စားဝတ်
နေရေးကိုအတွက်ရင်ဆိုင်ဖြေရှင်းယင်းတနေ့မှာကို(……)တစ်ယောက်နေမကောင်းမကျန်း
မာလို့ ဆေးရုံဆေးပေးခန်း ကို သွားရောက်ပြီးသွေးစစ်တဲ့ အခါမှာ (HIV+) ဆိုတဲ့အဖြေကို
သိလိုက်ရပြီးနောက်(ကို…………)သူ့ဘဝဆက်လက်ရှင်သန်ဖို့အတွက် ရုန်းကန်လှုပ်ရှားရင်း
တနေ့မဲဆောက်ဆေးရုံကြီးကိုသွားရောက်ပြသခဲ့ပါတယ်။ဆေးရုံကြီးကိုသွားရောက်ပြသတဲ့အခါမှာ ပိုက်ဆံမရှိတဲ့အတွက် ဆေးရုံဝန်ထမ်းတွေကပိုက်ဆံတောင်းတဲ့အခါမှာ သူ့ဇနီးက ပိုက်ဆံမရှင်းပေးနိုင်တဲ့အတွက်နောက်ဆုံးမှာတော့ ဆေးရုံကနေဆင်းလာခဲ့ရပါတယ်။ဒီလိုနဲ့ ရောဂါအခြေနေဆိုးလာတဲ့အတွက်ကျောင်းသားဆေးခန်းမှာထပ်မံပြီး သွားရောက်ပြသ
ခဲ့ပါတယ်။ARVဆေးရဖို့အတွက်နဲ့အတူသူတို့လင်မယားနှစ်ယောက်ရဲ့စားဝတ်နေရေးအတွက်MAPFoundation (PHAMIT2) အဖွဲ့မှကူညီပေးသော်လည်းနောက်ဆုံးမှာတော့မနှုတ်
ဆက်ဘဲလောကကြီးကနေ၁၂.၅.၂၀၁၀မှာတော့အပြီးပိုင်ထွက်ခွာသွားခဲ့ပါတယ်။သူတို့ဇနီး
မောင်နှံဟာထိုင်းနိုင်ငံမှာရောက်ရှိတာ၅နှစ်ကျော်ပါပြီ။သူတို့ဇနီးမောင်နှံဟာတောင်ယာလုပ်ကိုင်စားရတဲ့အတွက် ပိုလျှံခြင်းမရှိသည့် အပြင် ၀တ်နေရေးအတွက် တောင်အနိုင်နိုင်ပါ ။
ယောက်ကျားဖြစ်သူသေဆုံးချိန်မှာ သဂြိုလ်စရိတ် ၁၇၀၀ဘတ်ကိုဘယ်လိုမှမရှိတဲ့အတွက်
ကြောင့် ဆေးခန်းမှာပဲ ပြစ်ထားခဲ့ရန်ပြောကြားရာ ခွန်အားသစ်အလုပ်သမားများအဖွဲ့ မှ သဂြိုလ်စရိတ် နှင့်အတူခွန်အားသစ်နာရေးကားနှင့်အခမဲ့ကူညီဆောင်ရွက်ပေးခဲ့ပါတယ်။
အလုပ်ကလည်းရှားစားဝတ်နေရေးအတွက်တောင်အနိုင်နိုင်ရုန်းကန်နေကြရတဲ့မြန်မာပြည်သားရွှေ့ပြောင်းအလုပ်သမားတွေရဲ့နောက်ဆုံးခရီးတွေပာာမလွယ်ကူလှပါဘူး။
ထိုင်းနိုင်ငံရောက်မြန်မာရွှေ့ပြောင်းအလုပ်သမားတွေရဲ့ဘဝတွေပာာနောက်ဆုံးခရီးမှာတောင်ပုံစံအမျိုးမျိုးနဲ့ဒုက္ခရောက်ရတယ်ဆိုတာကို တင်ပြရင်းနိဂုံးချုပ်လိုက်ပါ။
No comments:
Post a Comment