တောင်ယာထဲမှာ

(မင်းထက်)
မဲဆောက်မြို့နဲ့ အလှမ်းကွာဝေးတဲ့ နေရာလေး တွေမှာရှိတဲ့ တောင်ယာလုပ်ငန်းတွေမှာ အ လုပ်သမားဘ၀နဲ့ အသက်မွေးဝမ်းကျောင်းနေ တဲ့ ကျနော်တို့ မြန်မာပြည်သားအများစုရဲ့ အ ကြောင်းကို ကျနော် ခံစားမိလောက်ကို ကူး စက်ခံစားစေလိုတဲ့ ဆန္ဒတခုနဲ့ပါ။


ထိုင်းနိုင်ငံမှာ အလုပ်လုပ်မယ်ဆိုပြီး တက်လာတဲ့ မြန်မာတွေထဲမှာ တောင်ယာလုပ်ငန်းနဲ့ အသက်မွေးဝမ်းကြောင်း ပြုလုပ်ရမယ်ဆိုတာကို မထင်ထားတဲ့ လူတွေရှိသလို ကျွမ်းကျင် တဲ့ တောင်ယာလုပ်ငန်းနဲ့ အသက်မွေးဝမ်းကြောင်းပြုလုပ်ဖို့တက်လာတဲ့ သူတွေလည်းရှိပါ တယ်။ တောတောင်ရေမြေရဲ့ သဘောတရားကို နားမလည်တဲ့ သူတွေရှိသလို တော တောင်ရေမြေ အကြောင်းနားလည်တဲ့ သူတွေလည်းရှိပါတယ်။

သူတို့တွေထဲမှာ ဘာမှမသိရဘဲ အရွယ်မရောက်သေးတဲ့ ကလေးသူငယ်တွေလည်း တောင်ယာလုပ်ငန်းတွေမှာ မိဘကိုဝင်ရောက်ကူပြီး တဘက်တလမ်းကနေ ၀ုိုင်းဝန်းပြီး စီး ပွားကူရှာပေးကြရပါတယ်။ တောင်ယာလုပ်ငန်းတွေဖြစ်တဲ့ အလုပ်တွေကတော့ ကြံ လွှေ့ ပြောင်း ပဲ စပါး ပန်း စတဲ့ လုပ်ငန်းတွေပဲဖြစ်ပါတယ်။ ကြည့်ရင်တော့ စိုက်ပျိုးရေးဆိုတာ အသက်အန္တရာယ်မရှိဘူးလို့ ထင်ရပေမဲ့ စိုက်ပျိုးရေးနဲ့ ပတ်သက်တဲ့ တချို့အလုပ်တွေဟာ ကျန်းမာရေးထိခိုက်တာတွေ နောက်ဆုံး အသက်အန္တရယ် ဖြစ်နိုင်တာတွေတောင် ရှိပါ တယ်။

ဘာတွေလည်းဆိုတော့ ကျနော်တို့ စိုက်ပျိုးရေးလုပ်တဲ့အခါ ဆေးဖြန်းရတဲ့ အလုပ်တွေ လည်း လုပ်ကြရပါတယ်။ ဒီလိုအလုပ်မျိုးကိုဘေးက ကြည့်ရင် လွယ်ပေမဲ့ တကယ်ဆေး ဖြန်းတဲ့အခါ အလုပ်ရှင်က တနေ့ကို ဘယ်လောက် ပြီးရမယ်လို့ ခိုင်းစေတဲ့အခါမှာဆိုရင် အလုပ်သမားတွေအနေနဲ့ အလုပ်ကို အမြန်လုပ်ရတဲ့အတွက် ဓာတုဆေးဝါးတွေ ပိုးသတ် ဆေးတွေရဲ့ဆိုးကျိုးတွေကို ဂရုစိုက်မနေတော့ဘဲ လုပ်ကြရတယ်။ နောက်ဆုံးတော့ ဓာတု ဆေးတွေ ပိုးသတ်ဆေးတွေရဲ့ နောက်ဆက်တွဲ အကျိုးဆက်တွေကို ခံစားနေရတဲ့ အလုပ် သမားတွေလည်း တောင်ယာဒေသတွေမှာရှိနေပါတယ်။

နောက်ပြီး တောင်ယာတွေမှာ နေထိုင်ကြတဲ့ အလုပ်သမားတွေပာာ နေမကောင်းမကျန်း မာတဲ့အခါ ဆေးမြီးတိုတွေနဲ့သာ ကုသကြရတယ်။ အကြောင်းက နေရာဒေသတွေက ဝေး လန်လွန်းတာ တကြောင်း၊ အလုပ်သမားလက်မှတ် မရှိတာက တကြောင်း စတဲ့ ပြသနာ တွေက မဲဆောက်မှာဆေးလာကုသဖို့ ခက်ခဲတယ်။

တနေ့လုပ်တနေ့စား သူတို့ဘ၀တွေရဲ့ အခက်အခဲတခုဖြစ်တဲ့ ဘာသာစကား အခက်အခဲ ကြောင့် အလုပ်ရှင်ရဲ့ ခေါင်းပုံဖြတ်တာတွေကို တောင်ယာအလုပ်သမားတွေကိုယ်တိုင် ခံစားနေကြရပါတယ်။ အဲဒီလို အလုပ်ရှင်ရဲ့ လုပ်ခခေါင်းပုံဖြတ်မှုတွေနဲ့အတူ နောက်ထပ်ခံ စားနေရတဲ့ ပြသနာကတော့ အလုပ်ရှင်စေခိုင်းလို့ တောင်ယာခုတ်တဲ့ အလုပ်သမားတွေ ပာာ ထိုင်းသစ်တောအဖွဲ့က ဖမ်းဆီးခြင်းကို ခံရပြီးထောင်ကျတဲ့ အလုပ်သမား တွေလည်း ရှိပါတယ်။

နောက်ပြီး သူတို့နေထိုင်ရတဲ့ တောင်ယာဒေသတွေမှာဆိုရင် အနီးနားမှာရှိတဲ့ ထိုင်း တောင်ယာတဲတွေကိုလည်း ကြောက်ရပါတယ် မနက်မိုးလင်းတာနဲ့ အလုပ်ဆင်း ညနေဆို အလုပ်သိမ်းပြီး စောစောအိပ်ရာဝင်ရတဲ့ သူတို့ဘ၀တွေပာာ ပတ်ဝန်းကျင်ရဲ့ အဖြစ်ပျက် တွေကို ဘာမှမသိတောဘဲ လောကကြီးနဲ့ အဆက်သွယ်ပြတ်နေကြရတဲ့ တောင်ယာအ လုပ်သမားတွေလည်း ရှိပါတယ်။

တခါတရံ ထိုင်းစစ်တပ်ရဲ့ ဖမ်းဆီးမှုကြောင့် ရွာလုံးကျွတ် ထွက်ပြေးတိမ်း ရှောင်ရပါတယ်။ တခါတလေမှာရွာတွေကို မီးရှို့ဖျက်ဆီးခြင်းခံရပါတယ်။ ဒီလိုပြစ်ရပ်တွေရဲ့ နောက်ကွယ် မှာ တောင်ယာအလုပ်သမားတွေရဲ့ ဘ၀ပာာ အားကိုးစရာကို လိုက်ရှာနေယင်းနဲ့ နေရာ သစ်တခုကို အမြန်ဆုံးရှာကြရပါတယ်။

မဲဆောက်ကို ကျန်းမာရေးကိစ္စနဲ့ဖြစ်စေ တခြားကိစ္စတခုခုနဲ့ သွားမယ်ဆိုရင် တောင်ယာအ လုပ်သမားတွေအတွက် မလွယ်တဲ့ ကိစ္စပါ။ ဘာဖြစ်လဲဆိုတော့ မဲဆောက် တခေါက် ရောက်ဖို့အရေးကို သူတို့တွေမှာ တော်တော်လေးကို ငွေစု ရပါတယ်။ လက်မှတ်မရှိတဲ့ အခက်ခဲကြောင့် ပုလိပ်ကိုပေးရတဲ့ ငွေကတော့ မဲဆောက်သွားတဲ့ ခရီးစရိတ်ထက် ပိုပါ တယ်။ မဲဆောက်အသွား အပြန်ဆိုရင် သူတို့တွေလက်ထဲမှာ ဘတ်ငါးရာနဲ့ တထောင် လောက်ရှိနေမှပါ။ ထိုင်း ပုလိပ်ကိုပေးဖို့လေ။

တနေ့လုပ်မှ ရှစ်ဆယ်နဲ့ တစ်ရာရတဲ့ အလုပ်သမားတွေအနေနဲ့ မဲဆောက် လာဖို့ဆိုတာ ဘယ်လောက် ခက်ခဲတယ်ဆိုတာကို တောင်ယာသမားတွေ ကိုယ်တိုင် ဒီဒုက္ခကို ယနေ့ ထိတိုင် ခံစားနေရပါတယ်။တချို့ဆိုရင် မဲဆောက်မြို့ကို အလည်လာဖို့အရေးကို လမ်း လျောက်ပြီးတော့ လာကြရပါတယ်။

သူတို့တွေရဲ့ အဖြစ်ပျက်တွေက ဒါနဲ့တင် မပြီးသေးပါဘူး။ တောင်ယာဒေသမှာ မိသား စုလိုက် နေထိုင်ကြသလို မိသားစုမရှိတဲ့ သူတွေကတော့ ပိုမိုအခက်ခဲတွေ ရှိပါတယ်။ ဘာ ကြောင့်လည်းဆိုတော့ သူတို့နေထိုင်မကောင်းဖြစ် တဲ့အခါမှာဆိုရင် ပိုပြီးအခက်ခဲ ရှိကြပါ တယ်။ တချို့ဆိုရင် တောင်ယာတဲမှာပဲ သေဆုံးသွားတဲ့ အဖြစ်ပျက်တွေလည်း ရှိပါတယ်။ ကျနော်တို့ မြင်နေကြားနေရတဲ့ ဒုက္ခပင်လယ်ဝေနေတဲ့ ဘ၀တွေ ဒီလိုနဲ့ ဖြတ်သန်းနေရတဲ့ အမိုက်တိုက်ညတွေ ဘယ်တော့များမှ ရွှေလသာချိန် ရောက်လာမှာပါလိမ့်။

မင်းထက်