လက်မှတ်မရှိတဲ့ အလုပ်သမားတွေရဲ့ ဒုက္ခ

(မင်းထက်)
မဲဆောက်မြို့မှာတင်မကဘဲ ထိုင်းနိုင်ငံမှာ လုပ် ကိုင်နေထိုင် စားသောက်ကြတဲ့ မြန်မာရွှေ့ ပြောင်းအလုပ်သမားတွေဟာ လက်မှတ်မရှိလို့ ဘယ်လိုရင်ဆိုင်ရတယ်ဆိုတဲ့ အကြောင်းကို ကျနော် သိသလောက် တင်ပြပေးပါမယ်။


လက်မှတ်လုပ်ခ ဘတ် ၃၈၀၀ ဆိုတဲ့ငွေကြေးက လုပ်အားခအပြည့်ဝရရှိမယ် ဆိုရင်တော့ ကျနော်တို့ အလုပ်သမားတွေအနေနဲ့ အယောက်တိုင်း လက်မှတ်လုပ်နိုင်လိမ့်မယ်လို့ ယုံ ကြည်မိတယ်။ တနေ့ ၈၀ နဲ့ ၁၀၀ ရတဲ့ သူတွေအဖို့တော့ လက်မှတ်လုပ်နိုင်ဖို့ဆိုတာက တော်တော်ခက်ခဲ့ပါတယ်။

ဘာကြောင့်လည်းဆိုတာတော့ နောက်ခံမိသားစုအတွက်သော်လည်းကောင်း ကုန်းဈေး နှုန်းကြီးမြင့်လာမှုကတကြောင်း အလုပ်ပုံမှန်မရှိတာကတကြောင်း လက်မှတ်အသစ် မပြု လုပ်နိုင်ခြင်းကို အလုပ်သမားတွေ ကြုံကြရပါတယ်။ ဒါကတော့ အလုပ်သမားတွေ လက် မှတ် မပြုလုပ်အကြောင်းတရားတွေပါ။

လက်မှတ်မရှိလို့ ဘယ်လောက် ဒုက္ခရောက်ရသလဲ ဆိုရင်တော့ အလုပ်ထဲမှာဖြစ်စေ အ လုပ်ပြင်ပမှာဖြစ်စေ မိမိရဲ့နေအိမ်မှာဖြစ်စေ ထိုင်းအာဏာပိုင်တွေရဲ့ ဖမ်းဆီးမှုကို လက် မှတ်မရှိတဲ့ အလုပ်သမားတွေပာာ နေ့ရက်စဉ်တိုင်း ခံကြရပါတယ်။

လက်မှတ်မရှိလို့ဖမ်းဆီးခံရတဲ့ အလုပ်သမားတွေကို လေ့လာပြီး ကျနော်မေး ကြည့်တော့ အလုပ်သမားတွေကပြောပြတဲ့ အကြောင်းတွေကတော့ စီမံချက်မပာုတ်ဘဲဖမ်းရင် နှစ် ထပ်ချုပ်ကနေ ပြန်ရွေးထုတ်လို့ရတယ်တဲ့ ရွေးထုတ်လို့ပေးရတဲ့ ငွေကြေးကတော့ ဘတ် ၅၀၀ နဲ့ ၁၀၀၀ ကြားပေးရတယ်လို့ ပြောပြပါတယ်။ မရွေးထုတ်နိုင်ရင်တော့ မြန်မာပြည် ဘက်ကမ်းကို ပြန်ပို့ ကြတယ်လို့ ပြောကြပါတယ်။

ပြန်ပို့ခံရတဲ့သူတွေကတော့ ပိုက်ဆံပါတဲ့ သူတွေကတော့ ထိုင်းဘက်ကမ်းကို အလွယ်တ ကူ ပြန်ကူးလို့ရပေမယ့် ပိုက်ဆံမပါတဲ့ သူတွေကတော့ အရင်ကဆို နေပူထဲထိုင်ခိုင်းပါ တယ် နောက်ပိတ်ဆုံး မရတဲ့အဆုံးမှာတော့ ပြန်လွှတ်ပေးပါတယ်။ အဲဒီတုန်းကတော့ ၂၀ ဘတ်ပဲ ပေးရတာပေါ့ အခုတော့ မရတော့ပါဘူးတဲ့။

ဘာကြောင့်လည်းဆိုတော့ ယခု လမှာပဲ ပြောင်းချိုးဖို့သွားရင်း ပုလိပ်မိလို့ နှစ်ထပ်ချုပ်မှာ သွားရွေးဖို့မမီတော့ဘဲ မြန်မာပြည် ဘက်ကမ်းကို ပြန်ပို့ခံရတဲ့ အခါ တနေ့မှ ၈၀ ဘတ် ရတဲ့သူတို့တွေကို မြန်မာပြည်ဘက်ကမ်းက နအဖနဲ့ အကျိုးတူပူးပေါင်း ငွေရှာတဲ့အဖွဲ့က သူတို့တွေဆီက တယောက်ကို ဘတ် ၁၀၀၀ နှုန်းနဲ့ရွေးမယ် နောက်ပြီး လူလာမရွေးခင် မှာကြားမှာ သူတို့ထမင်း ကြွေးရတဲ့အတွက် ထမင်းစရိတ်တရက်ကို ၅၀ ဘတ် ပေးရမယ် လို့ ဖမ်းဆီးခံရတဲ့ လူတွေကတဆင့် လာရွေးထုတ်မယ့် သူဆီကို ဖုန်းနဲ့အဆက်အသွယ် လုပ်ခိုင်းတယ်လို့ အဖမ်းခံပြီးပြန်လွတ်လာတဲ့ အလုပ်သမားတယောက်ရဲ့ ပြောပြခြင်းဖြစ် ပါတယ်။

နောက်ထပ်အလုပ်သမားရဲ့ အတွေ့အကြုံကတော့ တကယ်လို့ အဖမ်းခံရတဲ့ သူတွေကို လာမရွေးဘူးဆိုရင် ပေါ်တာထဲ ထည့်မယ်လို့လည်း ခြိမ်းခြောက် ပြောဆိုကြပါတယ်။ ထိုအလုပ်သမားတွေရဲ့ဘဝပာာ ထိုင်းအာဏာပိုင်တွေကုိပဲ ကြောက်ရမလား မြန်မာပြည် ဘက်က နအဖအကျိုးတူ ပူးပေါင်းဆောင်ရွက်နေတဲ့ အဖွဲ့တွေကိုပဲ ကြောက်ရမလား ဆို တာကို အဖြေရှာနေဆဲပဲ လို့ ပြောပြပါတယ်။

ဒါကတော့ လက်မှတ်မရှိခြင်းရဲ့နောက်ကွယ်က နအဖနဲ့အတူ အကျိုးတူပူးပေါင်းဆောင် ရွက်နေတဲ့ သူတွေရဲ့ နှိပ်ကွပ်မှုတွေပါဘဲ။ ဒါနဲ့ဘဲမပြီးဆုံးသေးပါဘူး လက်မှတ်မရှိသူတွေ ရဲ့ ဘဝပာာနောက်ထပ် အဖြစ်ပျက်တွေလည်းရှိ ပါသေးတယ်။ လက်မှတ်မရှိဘဲ အပြင် ကိုထွက်မယ့် အလုပ်သမားတိုင်းပာာ အပြင်ထွက်လည်ရင် အိတ်ကပ်ထဲမှာ ဘတ် ၁၀၀ ကိုဆောင်ထားကြရပါတယ်။ ဘာဖြစ်လို့လည်းဆိုတော့ ပုလိပ်ဖမ်းရင်ပေးဖို့ပါလို့ လက်မှတ် မရှိတဲ့ အလုပ်သမားတယောက်က ပြောပြတာပါ။

နောက်ပြီးတော့ လမ်းခရီးသွားတဲ့အခါမှာ ကားနဲ့သွားရင် ဘတ် ၁၀၀ ရပေမယ့် ဆိုင် ကယ်နဲ့ သွားရင်တော့ ဘတ် ၁၀၀ မရဘူးလို့လည်း ပြောဆိုကြပါတယ်။ အနည်းဆုံးဘတ် ၃၀၀ နဲ့ ၅၀၀ ပေးရတယ်လို့ ပြောကြပါတယ်။ ဒါကတော့ အပြင်ကိုသွားလာတဲ့အခါ အ လုပ်သမားတွေရဲ့ အခက်အခဲတွေပါ။

မဲဆောက်မြို့နဲ့ဝေးကွာတဲ့ နေရာတွေကနေလာမယ် ဆိုရင်တော့ ဒီ့ထက်ပိုမို ကုန်ကျပါ တယ်။ စီမံချက်ရှိလို့ ထိုင်းအာဏာပိုင်တွေ ဖမ်းပြီဆိုရင်တော့ ဒီ့ထက်ဆိုးပါတယ် နေအိမ် တွေ အလုပ်လုပ်တဲ့လုပ်ငန်းခွင်တွေရော ဈေးထဲမှာပါမကျန် ဖမ်းဆီးပါတယ်။ မနက်ပိုင်းနဲ့ ညနေပိုင်းမှာ ပိုမိုဖမ်းဆီးတဲ့အတွက် အလုပ်သမားတွေပာာ မိုးလင်းခါနီးထိ မအိပ်ဘဲ ပု လိပ်ဖမ်းမဲ့အချိန်ကို ထွက်ပြေးဖို့ ကြိုတင်စောင့်ဆိုင်းနေကြတဲ့ အဖြစ်တွေလည်း ရှိပါ တယ်။

ဝင်ဖမ်းလို့ ဖမ်းဆီးခံရတဲ့ သူတွေရှိသလို ထွက်ပြေး လွတ်မြောက်သွားတဲ့ သူတွေလည်း ရှိပါတယ်။ ဖမ်းဆီးခံရတဲ့ သူတွေထဲမှာ တချို့ဆိုရင် ကိုယ်ဝန် ဆောင်မိခင်တွေပါသလို ကလေးအမေတွေလည်း ပါကြပါတယ်။ ဖမ်းဆီးခံရတဲ့ သူတွေထဲမှာ ပြန်ရွေးထုတ်လို့ရတဲ့ သူတွေလည်း ရှိကြပါတယ်။ ဒါကတော့ အလုပ်ရှင်တွေရဲ့အပေါ်မှာ မူတည်ပါတယ်။

ရွေးထုတ်လို့မရတဲ့ သူတွေကတော့ ထောင်ကျကြပါတယ်။ ထောင်ကျသွားတဲ့ အလုပ်မား တယောက်ပြောပြတာက သူထောင်ထဲကိုမရောက်ခင် စာရွက်တွေပေးပါတယ်တဲ့ ဘာ တွေရေးထားလည်းဆိုတော့ လက်မှတ်မရှိဘဲ အလုပ်ခွင်မှာ သူတို့တွေကို မိတယ်ဆိုပြီး ရေးထားတာပါတယ် သူကဘာ ပြောလည်းဆိုတော့ သူ့ကိုနေအိမ်မှာ မိတယ်ဆိုတဲ့ အ ကြောင်း ပြန်ပြီးပြောပြပါတယ်။ ဒါကတော့ ထိုင်းပုလိပ်တွေရဲ့ အကြောင်းပါ။

နောက်ပြီး သူပြောတဲ့ အဆိုးဆုံးကတော့ ထောင်ထဲဝင်ဝင်ချင်း ဖင်နှိုက်ခံရတဲ့ အကြောင်း ပါ။ ထောင်ထဲဘာအမှုနဲ့ဝင်ဝင် ထောင်မှာရှိတဲ့ ထောင်ဝါဒါတွေက ဖင်နှိုက်ကြပါတယ်။ မိန်းကလေးတွေဆိုရင်တော့ ဆံပင်ကိုဖြတ်တောက်ပြစ်ပါ တယ်။

ထမင်းစားတာတောင် စိတ်အေးလက်အေးမစားရတဲ့ အခြေအနေကို အလုပ်သမားတဦး ပြောပြတာက အလုပ်ကနေ ထမင်းစားဖို့ သူပြန်လာပြီး အိမ်မှာ ထမင်းစားနေတဲ့အချိန်မှာ ပုလိပ်ဝင်ဖမ်းလို့ စားလက်စထမင်းပန်းကန် ကိုပြစ်ပြီးပြေးရတဲ့ ဘဝကိုသူမမေ့သလို တချို့ ပြေးလို့ ပုလိပ်မိသွားရင် အရိုက်ခံရတဲ့ အဖြစ်ပျက်တွေကိုလည်း သူမေ့လို့မရဘူး လို့ဆို ပါတယ်။

လက်မှတ်မရှိတဲ့ အခုလို ဒုက္ခတွေကို ခံနေရတဲ့အထဲ mou ဆိုတဲ့ နှစ်နိုင်ငံ သဘောတူ စာချုပ်ကြောင့် လက်မှတ်မလုပ်နိုင်တဲ့ အလုပ်သမားတွေကတော့ ဒီလိုပြောကြပါတယ်။ လက်မှတ်တောင်မလုပ်နိုင်တာ mou ဆိုတဲ့ လက်မှတ်ကို သူတို့ကဘယ်လို လုပ်နိုင်မှာ လည်းတဲ့ နောက်ပြီး မြန်မာပြည် မှတ်ပုံတင်မရှိယင် မလုပ်ပေးဘူးလို့လည်း သူတို့တွေ ကြားတော့ တချို့ပြောတာက သူတို့ရုပ်ပုံတွေက မြန်မာပြည်သားနဲ့ မတူလို့လားဆိုပြီး ပြောကြပါသေးတယ်။

ဒါကတော့ နောက်လာမယ့် mou မလုပ်နိုင်မယ့် အလုပ်သမားတွေရဲ့ အကြောင်းကို နောက်တခါဖော်ပြပေးမှာဖြစ်ပြီး လက်မှတ်မလုပ်နိုင်တဲ့ သူတွေရဲ့ ဒုက္ခကို ကျနော်သိသ လောက် ဝေမျှပေးလိုက်ပါတယ်။